Правни информации
Sony D2004/D2005
Ова упатство за корисникот е објавено од Sony Mobile Communications AB или од негова локална филијала, без никаква
гаранција. Подобрувањата и промените на ова упатство за корисникот предизвикани од печатни грешки, неточности на
тековните информации или подобрувања на програмите и/или опремата може да ги направи Sony Mobile Communications AB во
секое време и без известување. Сепак таквите промени ќе бидат опфатени во новите изданија на упатството за корисникот.
©Sony Mobile Communications AB, 2013.
Вашиот мобилен уред има способност да презема, зачувува и препраќа дополнителни содржини, како што се тоновите на
ѕвонење. Користењето такви содржини може да биде ограничено или забрането со правата на трети страни, вклучувајќи ги, но
не ограничувајќи се на забраните со важечките закони за заштита на авторските права. Вие, а не Sony, сте целосно одговорни
за дополнителните содржини што ги преземате или препраќате од мобилниот уред. Пред да користите дополнителни содржини,
проверете дали имате соодветна дозвола за употреба или друго овластување. Sony не гарантира за точноста, интегритетот или
квалитетот на какви било дополнителни содржини или содржини од која било трета страна. Под ниту едни услови Sony нема да
биде одговорен на каков било начин за вашето неправилно користење на дополнителните содржини или на други содржини од
трета страна.
Ова упатство за корисникот може да упатува на услуги или апликации обезбедени од трети страни. Користењето на таквите
програми или услуги може да бара одделна регистрација кај давателот на услуги на третата страна и може да е предмет на
дополнителни услови на користење. Однапред проверете ги условите на користење и важечките правила за приватност на веб-
страниците на третите страни од коишто се пристапува до апликациите. Sony не гарантира за достапноста или изведбата на
веб-страниците од која било трета страна, ниту за понудените услуги.
Sony е трговска марка на Sony Corporation. Android е трговка марка на Google Inc. Сите други имиња на производи и компании
споменати овде се трговски марки или регистрирани трговски марки на нивните соодветни сопственици. Задржани се сите
права што не се јасно одобрени. Посетете ја www.sonymobile.com за повеќе информации.
Сите илустрации се само за целите на објаснувањето и не може прецизно да го опишат вистинскиот уред.
Овој производ е заштитен со одредени права на интелектуална сопственост од Microsoft. Забрането е користење или
дистрибуција на таква технологија надвор од овој производ без лиценца од Microsoft.
Сопствениците на содржините користат технологија за управување со дигиталните права Windows Media (WMDRM) за заштита
на својата интелектуална сопственост, вклучувајќи ги и авторските права. Овој уред користи софтвер на WMDRM за пристап до
содржини заштитени со WMDRM. Ако софтверот на WMDRM не успее да ги заштити содржините, нивните сопственици може да
побараат од Microsoft да ја повлече можноста на софтверот да користи WMDRM за репродукција или копирање заштитени
содржини. Повлекувањето не влијае на незаштитени содржини. Кога преземате лиценци за заштитени содржини, се
согласувате дека Microsoft може да вклучи листа за повлекување со лиценците. Сопствениците на содржините може да
побараат надградување на WMDRM за пристап до нивните содржини. Ако одбиете надградба, нема да може да пристапите до
содржините што ја бараат надградбата.
Овој производ е лиценциран според лиценците MPEG-4 visual и AVC patent portfolio за лична и некомерцијална употреба на
потрошувачот за (i) кодирање видео во согласност со стандардот MPEG-4 visual („MPEG-4 video“) или AVC („AVC video“) и/или
(ii) декодирање на видео MPEG- 4 или AVC што е кодирано од страна на потрошувач вклучен во лична и некомерцијална
активност и/или е добиено од обезбедувач на видео лиценциран од MPEG LA за обезбедување видеа MPEG-4 и/или AVC.
Ниедна лиценца не е одобрена или нема да се подразбира за каква било друга употреба. Дополнителни информации за
промотивните, внатрешните и комерцијалните употреби и лиценцирањето може да се добијат од MPEG LA, L.L.C. Видете на
http://www.mpegla.com. Технологијата за аудио декодирање MPEG Layer-3 е лиценцирана од Fraunhofer IIS и Thomson.
SONY MOBILE НЕ Е ОДГОВОРЕН ЗА КАКВА БИЛО ЗАГУБА, БРИШЕЊЕ И/ИЛИ ПРЕБРИШУВАЊЕ ЛИЧНИ ПОДАТОЦИ ИЛИ
ДАТОТЕКИ ЗАЧУВАНИ ВО ВАШИОТ ТЕЛЕФОН (ВКЛУЧУВАЈЌИ ГИ, НО НЕ ОГРАНИЧУВАЈЌИ СЕ НА КОНТАКТИТЕ, ПЕСНИТЕ
И СЛИКИТЕ) ШТО Е РЕЗУЛТАТ НА АЖУРИРАЊЕ НА УРЕДОТ СО НЕКОЈ ОД ОПИШАНИТЕ МЕТОДИ ВО УПАТСТВОТО ЗА
КОРИСНИЦИ, КАКО И ОНИЕ ШТО СЕ РЕЗУЛТАТ НА НЕКОИ ОД ИНДИКАЦИИТЕ И СОВЕТИТЕ ОБЕЗБЕДЕНИ ВО ДЕЛОВИТЕ
„НАЧИНИ НА ПРЕНЕСУВАЊЕ КОНТАКТИ“ И „СКЛАДИРАЊЕ ПОДАТОЦИ“ ВО ДОКУМЕНТОТ. ВО НИКОЈ СЛУЧАЈ, ВКУПНАТА
ОДГОВОРНОСТ НА SONY MOBILE ИЛИ НЕГОВИТЕ ДОСТАВУВАЧИ НЕМА ДА ЈА НАДМИНЕ ВКУПНАТА СУМА ШТО СТЕ ЈА
ПЛАТИЛЕ ЗА УРЕДОТ ЗА НАСТАНАТИТЕ ШТЕТИ, ЗАГУБИ И ПРИЧИНИ ЗА ДЕЈСТВУВАЊЕ (ПОД ДОГОВОР ИЛИ ДЕЛИКТ,
ВКЛУЧУВАЈЌИ, НО НЕ ОГРАНИЧУВАЈЌИ СЕ НА НЕБРЕЖНОСТ ИЛИ ДРУГО).
108
Ова е Интернет верзија на ова издание. © Испечатете го само за приватна употреба.